Maratha Reservation: राज्य मंत्रिमंडळाच्या बैठकीत मराठा आरक्षणाच्या मसुद्याला (Maratha Reservation Bill) मंजुरी देण्यात आली. त्यानंतर विधिमंडळात मराठा आरक्षणाचे विधेयक मांडण्यात आले. मराठा आरक्षणाच्या विधेयकाचा मुसदा एकमताने मंजूर करण्यात आला. (10 percent reservation for Maratha community in jobs and education)
मराठा समाजाला नोकरी आणि शिक्षणात 10 टक्के आरक्षण देणारे विधेयक विधिमंडळाच्या दोन्ही सभागृहात बहुमताने मंजूर होताच विधिमंडळाच्या बाहेर एकच जल्लोष झाला. अनेकांनी गुलाल उधळत या निर्णयाचे स्वागत केले. इतर समाजाच्या नेत्यांनी सरकारच्या या निर्णयाचे स्वागत केले आहे. तसेच हे आरक्षण सर्वोच्च न्यायालयात टिकेल का याबद्दल अनेकांनी शंका उपस्थित केल्या आहे.
छत्रपती संभाजी यांनीही या निर्णयाचे स्वागत केले आहे. यावेळी त्यांनी ट्वीट करत म्हटलंय की “मराठा समाजाला टिकणारे आरक्षण मिळावे, यासाठी आधी मराठा समाज मागास असल्याचे सिद्ध करणे गरजेचे आहे, त्यासाठी शासनाने राज्य मागासवर्ग आयोग गठित करून मराठा समाज मागास असल्याचे सिद्ध करावे, ही मागणी घेऊन मी गेल्या दोन वर्षांपासून पाठपुरावा करत होतो. शासनाने ही मागणी मान्य करत मराठा समाजाच्या मागासलेपणाचे सर्वेक्षण करून मराठा समाजास आरक्षण लागू केले, याबद्दल मुख्यमंत्री एकनाथजी शिंदे व राज्य सरकारचे विशेष आभार व कौतुक ! अपवादात्मक परिस्थिती सिद्ध करून हे आरक्षण न्यायालयात टिकविण्याची जबाबदारी देखील शासनाने कटाक्षाने पार पाडावी.” असं छत्रपती संभाजी यांनी म्हटलं आहे.
मराठा समाजाला टिकणारे आरक्षण मिळावे, यासाठी आधी मराठा समाज मागास असल्याचे सिद्ध करणे गरजेचे आहे, त्यासाठी शासनाने राज्य मागासवर्ग आयोग गठित करून मराठा समाज मागास असल्याचे सिद्ध करावे, ही मागणी घेऊन मी गेल्या दोन वर्षांपासून पाठपुरावा करत होतो.
— Sambhaji Chhatrapati (@YuvrajSambhaji) February 20, 2024
शासनाने ही मागणी मान्य करत मराठा…
पण दुसरीकडे मनोज जरांगे पाटील (Manoj Jarange Patil) यांनी मात्र ओबीसीमधून (OBC) मराठा आरक्षणावरच ठाम असल्याची भूमिका घेतली आहे. तसेच त्यांनी आता स्वतःवरील उपचार बंद करण्याचा निर्णय घेतला आहे. ते उद्या 12 वाजता आंतरवालीमध्ये निर्णायक बैठक घेणार आहे. यात आंदोलनाची पुढील दिशा ठरवली जाईल. तसेच मनोज जरांगे यांनी स्वतःवरील उपचार बंद करत सलाईन काढून फेकले आहे.