Zapuk Zupuk: बिग बॉस मराठी ५ चा विजेता सूरज चव्हाण याचा झापुक झुपूक हा सिनेमा नुकताच प्रदर्शित झाला. हा सिनेमा रिलीज व्हायच्या आधीच त्याची खूप चर्चा होती. बिग बॉस मराठी मुळे सूरज पुन्हा एकदा चर्चेत होता. पूर्वी त्याने रिल्स आणि टिक टॉक व्हिडिओमुळे प्रसिद्धी मिळवलेली. पण टिक टॉक बंद झाल्यावर तो पुन्हा चर्चे बाहेर गेला. त्यानंतर कलर्स वाहिनीवरील बिग बॉस शो मध्ये दिसला आणि या सीझनचा विजेता देखील ठरला. या सीझनच्या महाअंतिम सोहळ्यात केदार शिंदे यांनी सूरज चव्हाणला घेऊन सिनेमा काढणार अशी घोषणा देखील केलेली. काल तो सिनेमा रिलीज झाला.
हा सिनेमा तयार करताना केदार शिंदेंना कोणकोणत्या आव्हानांना सामोरे जावे लागले याबद्दल त्यांनी एका मुलाखतीत सांगितले. खरे तर सूरज हा अशिक्षित असल्यामुळे त्याला लिहिता वाचता येत नाही. सिनेमाचे शूटिंग सुरू असताना कलाकार हे स्क्रिप्ट प्रमाणे अॅक्टींग करतात. मात्र सूरजला लिहिता वाचताच येत नसल्यामुळे त्याला स्क्रिप्ट वाचायला देणं फार मुश्किल होतं. अशावेळी ते कसं घडवून आणलं त्याबद्दल केदार शिंदे यांनी सांगितलं.
ते म्हणाले की, “सूरजकडून नैसर्गिक अभिनय करून घ्यायचा होता त्यामुळे शूट करताना मी अशा काही गोष्टी केल्या ज्यामुळे आपोआप सूरजत्याच्या भूमिकेचा गांभीर्य समजून घेईल. सूरजला लिहिता वाचता येत नाही त्यामुळे निश्चितच त्याला एखादी गोष्ट समजावताना खूप मेहनत घ्यावी लागायची. आम्हाला सलग दोन रात्री एका इमोशनल सीन च शूटिंग करायचं होतं त्यामुळे मी दिवसभर तशी वातावरण निर्मिती करून ठेवायचो.
मी त्याला खूप हर्ट केलं आहे. तुम्ही विचारही करू शकत नाही इतक मी त्याला दुखावलंय. मी शिव्या वगैरे देत नाही पण आरडाओरड करून मी ते वातावरण इतकं गंभीर करून ठेवलं होतं तो संध्याकाळी सीन आल्यावर बरोबर काम करायचा. कारण दिवसभर तो इतका दुखावलेला असायचा की मी जसं सांगेन तसं त्याने लगेच गोष्टी केल्या. पण त्या दोन दिवसांमध्ये मी त्याच्यावर खूप लक्ष ठेवून होतो त्यालाही ही गोष्ट माहित नव्हती परवाच मी त्याला याबद्दल सांगितलं.”
केदार शिंदे पुढे म्हणाले की, “मी प्रोडक्शन टीमला आधीच सांगितलेलं की त्या दोन दिवशी याची जी रूम आहे त्याला बाहेरून कडी लावून ठेवायची जेणेकरून हा चिडला वगैरे असेल तर कुठेही निघून जाणार नाही. कारण तो मध्यरात्री कुठे निघून गेला तर काय करायचं! असा विचार करून मी तसं आधीच प्रोडक्शनला सांगून ठेवलेलं. त्यालाही ही गोष्ट माहित नव्हती. नुकतंच मी त्याला याबद्दल सांगितलं.
हे जेव्हा सूरजला समजलं तेव्हा तो म्हणाला मला आधी याबद्दल काहीच माहिती नव्हतं की हे लोक कडी लावून वगैरे जायचे कारण मी रात्री एकदा झोपलो की थेट सकाळी दार वाजून कडी उघडायला सांगायचो. पण खरं सांगू का तर मी कुठेच बाहेर गेलो नसतो कारण माझ्यासाठी करिअर आणि हा चित्रपट महत्त्वाचा होता. मी कितीही हर्ट झालो असलो किंवा दुखावलो असलो तरी हा सिनेमा मला करायचाच होता. माझ्या मनात सरांनी विश्वास निर्माण करून दिलेला की जेव्हा आपण मेहनत करतो कष्ट करतो तेव्हाच पुढे जाऊन चांगल्या गोष्टी घडतात.” या सर्व गोष्टी केदार शिंदेंनी लोकसत्ता ऑनलाइनला दिलेल्या मुलाखतीत सांगितल्या.
झापुक झुपूक सिनेमाच्या पहिल्या दिवसाच्या बॉक्स ऑफिस रिपोर्टबद्दल बोलायचे झाल्यास, पहिल्याच दिवशी सिनेमाने ‘झापुक झुपूक’ने पहिल्या दिवशी 27 लाख रुपयांचे ग्रॉस कलेक्शन केले, तर नेट कलेक्शन 24 लाख रुपयांचे आहे.
