Hardeek Joshi: प्रसिद्ध मराठी अभिनेता हार्दिक जोशी याचा जाऊ बाई गावात हा बिग बॉस सारखाच असलेला नवीन रिअॅलिटी शो झी मराठीवर 4 डिसेंबर पासून सुरु होतोय. पण त्या अगोदरच एक दुखद बातमी मिळालीय. ती म्हणजे अभिनेता हार्दिक जोशीच्या कुटुंबावर दुखाचा डोंगर कोसळलाय.
हार्दिक जोशीच्या वहिनी ज्योती यांचं निधन झालंय. त्यामुळे हार्दिक खूप भावूक झाल्याचा दिसतोय. जाऊ बाई गावात हा शो हार्दिकनेच करावा असं हात हातात घेऊन ज्योती वहिनेने हार्दिक कडून प्रॉमिस घेतलं होतं. आणि आता 4 डिसेंबरला हा शो सुरु होतोय पण हार्दिकच्या वहिनी या जगात नाही. त्यात योगायोग असा की 4 डिसेंबरलाच ज्योती वहिनींचा वाढदिवस सुद्धा आहे. यामुळेच हार्दिक ने हा संपूर्ण शो त्याच्या वहिनींना डेडिकेट केलाय.
सोशल मिडियावर ज्योती वहिनीसाठी भावूक पोस्ट करत अभिनेता हार्दिकने त्याच्या भावना व्यक्त केल्याय. यात त्याने म्हटलंय की “ज्योती वहिनी तू आज आमच्यात नाहीयेस पण तूझ अस्तित्व आमच्यात कायम राहील..जाऊ बाई गावात हा जो नवीन शो मी करत आहे झी मराठीवर तो फक्त तुझ्यामुळे, तो पुर्ण शो मी फक्त तुलाच डेडिकेट करतोय, कारण तू माझा हात हातात घेऊन प्रॉमिस घेतलं होतस की हार्दिक काही झालं तरी हा शो तू करणारच आहेस, आणि योगायोग असा आहे की 4 डिसेंम्बर च्या दिवशी हा शो टीव्हीवर दिसायला सुरुवात होणार आहे आणि त्याच दिवशी तुझा वाढदिवस आहे. मि नेहमी कामाला जाताना तुला नमस्कार करायचो, तेव्हा कायम डोक्यावर हात फिरऊन तू मला आशीर्वाद द्यायची.
तुझा आशीर्वाद असाच कायम माझ्या पाठीशी असुदे.
आज मि जे काही आहे त्यात तुझा खुप मोठा वाटा आहे.
तु सदैव आई, बहिण, मैत्रीण म्हणुन माझ्या सोबत पाठीशी होतीस तशीच कायम रहा ही विनंती करतो. तुझी उणीव कायम भासत राहिल.
Miss you माझी लाडकी वहिनी मला कधी विसरु नको.
Always love you always khup khup miss you.”
असं अभिनेता हार्दिक जोशीने त्याच्या लाडक्या ज्योती वहिनीसाठी भावूक पोस्ट करत म्हटलंय. हार्दिकच्या वहिनी ज्योती यांना भावपूर्ण श्रद्धांजली.