Priya Bapat: मराठी अभिनेत्री प्रिया बापट आणि अभिनेता उमेश कामत यांचं 13 वर्षांपूर्वी लग्न झालं होतं. सध्या मराठी चित्रपट क्षेत्रातील ही एक प्रसिद्ध जोडी आहे. पण लग्नाला 13 वर्षे होऊनही त्यांना अद्याप बाळ झालं नाही यावरून अभिनेत्री प्रिया बापट हिला नेहमीच प्रश्न विचारले जातात. याबद्दलचा खुलासा प्रियाने नुकतंच ‘हॉटरफ्लाय’ला दिलेल्या मुलाखतीत केला आहे. (Actress Priya Bapat about not having baby after 13 years of marriage with Umesh Kamat)
या मुलाखतीत अभिनेत्री प्रिया बापट म्हणाली की “तुमचं लग्न झालं असेल व तुम्हाला बाळ असेल तरंच तुमचं आयुष्य पूर्ण होतं, असं लोकांना का वाटतं? काही महिला आहेत, ज्यांना मुलं नकोयत आणि त्या आनंदी आहेत, तरी त्यांना त्यांचं आयुष्य पूर्ण आहे, असं वाटतं. माझ्या आणि उमेशच्या कपल फोटोवर तुम्हाला बाळाबद्दल विचारणाऱ्या कमेंट्स आढळतील. उमेशच्या फोटोवर या कमेंट्स नसतात, अर्थात मी महिला असल्याने ही अपेक्षा माझ्याकडून आहे. पण मला जेव्हा वाटेल की बाळ हवंय, तेव्हा मी करेन, जर मला बाळ नको असेल तर मी नाही करणार.”
“मी आणि उमेश एकत्र एक नाटक करतोय. नाटकानंतर लोक भेटायला येतात, एकेदिवशी एक काकू आल्या आणि म्हणाल्या, ‘आता आम्हाला गुडन्यूज पाहिजे’. मी म्हणाले ‘आताच तर अवॉर्ड्स मिळाले. गुडन्यूज मिळाली ना’. पण त्या म्हणाल्या ‘तू बाळ कधी करणार’. मी उत्तर देईस्तोवर त्या तोच प्रश्न विचारत राहिल्या. मग मी त्यांना म्हणाले, काकू मला माझ्या आईनेही कधीच हा प्रश्न नाही विचारला, त्यामुळे प्लीज मला हा प्रश्न विचारू नका.” असं प्रिया या मुलाखतीत म्हणाली आहे.
Its like you read my mind You appear to know so much about this like you wrote the book in it or something I think that you can do with a few pics to drive the message home a little bit but instead of that this is excellent blog A fantastic read Ill certainly be back.